Xalq deputatlari Chilonzor tumani Kengashining 24-saylov okrugi deputati Tashmuhammedova Muhabbat Baxtiyorovna tomonidan Zarqo‘rg‘on mahallasi hududida ko‘chama-ko‘cha yurilib, uyboshilar hamda mahalla faollari bilan uchrashuvlar o‘tkazildi.
O‘rganishlar davomida hudud aholisini qiynayotgan dolzarb masalalar, jumladan, ichki yo‘llar holati, obodonlashtirish, sanitariya-tozalash, ko‘kalamzorlashtirish, tungi yoritish, kommunal xizmatlar sifati hamda infratuzilmani yaxshilashga oid taklif va murojaatlar tinglandi.
Har bir murojaat yuzasidan tegishli qaydlar olinib, ularni bosqichma-bosqich hal etish hamda mas'ul tashkilotlar bilan hamkorlikda amaliy choralar ko‘rish bo‘yicha zarur vazifalar belgilandi.
Deputat tomonidan saylovchilar bilan bevosita muloqot qilish, ularning muammolarini joyiga chiqib o‘rganish va ijobiy yechim topishga qaratilgan bunday uchrashuvlar muntazam davom ettiriladi.