Xalq deputatlari Oltinsoy tumani Kengashining 13-"Qorliq" saylov okrugidan saylangan deputati Mengnarova Zarifa Toshpo‘latovna tomonidan saylov okrugida navbatdagi deputatlik nazorati tadbiri amalga oshirildi. 

Tadbirda Xalq deputatlari Oltinsoy tumani Kengashi kotibiyati mudiri M.Xujanov hamda Kengash kotibiyati bosh
mutaxassisi A.Esanov ishtirok etdi. “Qumpaykal” mahallasida o‘tkazilgan o‘rganishlar davomida ijtimoiy himoya xodimi ishtirokida mahalliy Kengash deputatlari faoliyatining ustuvor yo‘nalishlari bo‘yicha belgilangan 172
ta qonun hamda 24 ta tavsiya ijrosining holati yuzasidan monitoring olib borildi. 

Shuningdek, deputat nomiga kelib tushgan murojaat tegishli mutasaddi tashkilotlar bilan hamkorlikda ijobiy hal etildi. Xususan, ehtiyojmand fuqaroga yashash uyining tom qismini ta’mirlash maqsadida shifer va yog‘och-taxta materiallari yetkazib berildi. 

O‘rganish jarayonida fuqarolar tomonidan bildirilgan murojaat, taklif va muammolar atroflicha tahlil qilinib, ularni o‘z vaqtida hal etish, murojaatlar ijrosini ta’minlash hamda aniqlangan kamchiliklarni bartaraf etish yuzasidan tegishli mas’ul tashkilotlarga tavsiyalar berildi. 

Mazkur tadbir aholi manfaatlarini ta’minlash, qonun hujjatlari ijrosini samarali tashkil etish hamda deputatlik nazoratini yanada kuchaytirishga xizmat qildi.