Xalq deputatlari Qo‘qon shahar Kengashi kotibiyati mudiri A.Nosirov hamda Oliy Majlis Qonunchilik palatasi deputati M.Valiyev tomonidan "Mo‘yimuborak" mahalla fuqarolar yig‘inida fuqarolar murojaati asosida mahalla hududida yangi umumta’lim maktabi qurilishi masalasi yuzasidan joyiga chiqib o‘rganish ishlari olib borildi.

O‘rganish davomida mahalla aholisining ta’lim muassasasiga bo‘lgan ehtiyoji, o‘quvchilar sonining ortib borayotgani hamda mavjud maktablarning yuklamasi tahlil qilindi. Shuningdek, yangi maktab qurilishi uchun taklif etilayotgan hudud va uning infratuzilma imkoniyatlari ko‘zdan kechirildi.

Mahalla faollari va fuqarolar bilan o‘tkazilgan muloqotda yangi maktab qurilishi hudud aholisi uchun muhim ahamiyatga ega ekani ta’kidlanib, ushbu masalani ijobiy hal etish yuzasidan tegishli tashkilotlar bilan hamkorlikda ish olib borishga kelishib olindi.

Mazkur masala deputatlar tomonidan nazoratga olinib, aholining sifatli ta’lim olish imkoniyatlarini kengaytirish hamda mahalla ijtimoiy infratuzilmasini rivojlantirish bo‘yicha amaliy chora-tadbirlar ko‘rilishi belgilandi.

Xalq deputatlari Qo‘qon shahar Kengashi