Xalq deputatlari Qo‘qon shahar Kengashi deputati R.Talipdjanov tomonidan yuborilgan deputatlik so‘rovi yuzasidan Qo‘qon shahar Kambag‘allikni qisqartirish va bandlikka ko‘maklashish bo‘limi tomonidan rasmiy javob taqdim etildi.

Mazkur javobda "Navro‘z" MFYda istiqomat qiluvchi fuqaro Matmusayeva Madina Xasanovnaga tikuv mashinasi xarid qilish uchun subsidiya ajratish masalasi belgilangan tartibda o‘rganib chiqilgani ma’lum qilingan.

Aniqlanishicha, fuqaro 2025-yil 11-martdagi Vazirlar Mahkamasining 158-son qarori asosida asbob-uskunalar xarid qilish uchun 10 million so‘m subsidiya olish maqsadida elektron ariza topshirgan.

Shuningdek, fuqaro tomonidan "Onlayn mahalla" platformasi orqali imtiyozli kredit olish uchun ham murojaat qilingan. Biroq, "Kambag‘al oilalar reyestri" va "Tadbirkor" hamda "Band" toifalariga mansubligi navbatiga ko‘ra ariza hali rad etilmagani, belgilangan tartibda ko‘rib chiqilishi davom etayotgani bildirilgan.

Deputat tomonidan mazkur masala nazoratda saqlanib, fuqaroning murojaati bo‘yicha tegishli tashkilotlar bilan hamkorlikda ishlar davom ettiriladi.

Xalq deputatlari Qo‘qon shahar Kengashi