Xalq deputatlari Qo‘qon shahar Kengashi kotibiyati mudiri A.Nosirov hamda Oliy Majlis Qonunchilik palatasi deputati M.Valiyev tomonidan "Yangi Chorsu" mahalla fuqarolar yig‘inida "Obod mahalla" dasturi doirasida amalga oshirilayotgan bunyodkorlik ishlari joyiga chiqib o‘rganildi.

O‘rganish davomida mahalla hududida elektr ta’minoti tizimini modernizatsiya qilish, eskirgan elektr tarmoqlarini yangilash hamda aholini barqaror elektr energiyasi bilan ta’minlash maqsadida qo‘shimcha transformator punkti (TP) o‘rnatish ishlari bilan yaqindan tanishildi.

Mas’ullar tomonidan olib borilayotgan qurilish-montaj ishlari, loyiha ijrosi, bajarilayotgan ishlarning sifati va belgilangan muddatlarda yakunlanishi yuzasidan fikr almashildi.

Ta’kidlanganidek, "Obod mahalla" dasturi doirasida amalga oshirilayotgan bunday loyihalar mahalla infratuzilmasini yaxshilash, elektr ta’minoti barqarorligini oshirish hamda fuqarolar uchun yanada qulay va xavfsiz yashash sharoitlarini yaratishga xizmat qiladi.

Xalq deputatlari Qo‘qon shahar Kengashi