Xalq deputatlari Oltinsoy tumani Kengashining 13-"Qorliq" saylov okrugidan saylangan deputati Mengnarova Zarifa Toshpo‘latovna tomonidan saylov okrugida deputatlik nazorati tadbiri o‘tkazildi. 

Tadbirda Xalq deputatlari Oltinsoy tumani Kengashi kotibiyati mudiri M.Xujanov hamda Kengash kotibiyati bosh
mutaxassisi A.Esanov ishtirok etdi. Deputat tomonidan “Qumpaykal” mahallasida mahalla raisi, mahalla faollari va fuqarolar bilan uchrashuv tashkil etildi. 

Uchrashuv davomida aholi murojaatlarining kelib chiqish sabablarini barvaqt aniqlash, ularning oldini olish, fuqarolarni qiynayotgan muammolarni o‘z vaqtida o‘rganish hamda murojaatlarni joyida hal etish masalalari muhokama qilindi. Shuningdek, aholi bilan ochiq muloqotni yanada kuchaytirish, tegishli davlat tashkilotlari bilan hamkorlikni mustahkamlash yuzasidan fikr va takliflar bildirildi. 

Tadbir yakunida fuqarolarning huquq va qonuniy manfaatlarini ta’minlash, aholi murojaatlariga tezkor va samarali yechim topish, murojaatlar sonini kamaytirish hamda mavjud muammolarni tizimli ravishda bartaraf etishga qaratilgan tegishli tavsiya va takliflar ilgari surildi. 

Mazkur uchrashuv davomida fuqarolar tomonidan 24 ta masala va murojaat ko‘tarilib, ularning ijrosini ta’minlash yuzasidan tegishli mutasaddi tashkilotlarga vazifalar belgilandi hamda deputatlik nazoratiga olindi.