Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat U.Aripbayev tomonidan tuman markazidagi “Bog‘i Eram” istirohat bog‘ining qurilish ishlari o‘rganildi.

Oʻrganish davomida bog‘ hududida amalga oshirilayotgan qurilish ishlarining borishi, qurilish-montaj ishlarining sifati, belgilangan muddatlarga rioya etilishi hamda aholi uchun yaratilayotgan zamonaviy va qulay infratuzilma bilan bog‘liq ishlar ko‘zdan kechirildi.

Shuningdek, hududda piyodalar yo‘laklari, yoritish tizimi, yashil hududlarni kengaytirish, dam olish o‘rinlari, bolalar maydonchalari, shoirlar maskani va boshqa ijtimoiy ahamiyatga ega obyektlarni barpo etish ishlari yuzasidan mutasaddilar bilan muloqot o‘tkazildi.

O‘rganish jarayonida qurilish ishlarini belgilangan loyiha asosida, sifatli va o‘z vaqtida yakunlash, qurilish maydonida xavfsizlik qoidalariga qat’iy rioya qilish, shuningdek, kelgusida bog‘ni aholi uchun yanada jozibador va qulay hordiq maskaniga aylantirish bo‘yicha tavsiya va takliflar bildirildi.