Xalq deputatlari Bo‘ston tumani Kengashi deputati B.Soliyeva tomonidan Kengashning navbatdagi sessiyasi kun tartibiga kiritilgan masala yuzasidan tumandagi davlat maktabgacha ta’lim tashkilotlarida bolalar hayoti va sog‘ligini muhofaza qilish holatini o‘rganish ishlari olib borilmoqda.
Navbatdagi o‘rganish Bo‘ston tumanidagi 2-son davlat maktabgacha ta’lim tashkilotida o‘tkazildi. Unda yong‘in xavfsizligi, elektr xavfsizligi, sanitariya-gigiyena talablari hamda umumiy xavfsizlik qoidalariga rioya etilishi holati atroflicha ko‘zdan kechirildi.
O‘rganish davomida muassasada yaratilgan shart-sharoitlar tahlil qilinib, aniqlangan kamchiliklarni bartaraf etish hamda xavfsizlik talablarini yanada kuchaytirish yuzasidan mas’ullarga tegishli tavsiya va takliflar berildi.
Bolalarning hayoti va sog‘lig‘ini muhofaza qilish, ular uchun xavfsiz va sog‘lom muhitni ta’minlashga qaratilgan ishlar doimiy deputatlik nazoratida bo‘ladi.