Bugun Nurafshon shahri hayotida muhim o‘rin tutuvchi Xalq deputatlari Kengashining navbatdagi 25-sessiyasi bo'lib o'tdi. Unda deputatlar tomonidan shaharning bugungi holati, istiqboldagi rivojlanish yo‘nalishlari hamda aholi manfaatlariga daxldor dolzarb masalalar keng muhokama qilinib, mas'ullarning quyidagi yo'nalishlardagi hisobotlari tinglandi.

✔️O‘zbekiston Respublikasi Prezidentining 2025-yil 25-dekabrdagi 64-sonli topshiriqlar bayonida belgilangan vazifalar ijrosi yuzasidan hisoboti;

✔️O‘zbekiston Respublikasi Prezidentining Nurafshon shahridagi Xalq qabulxonasi tomonidan 2026-yilning birinchi yarim yilligida aholi murojaatlari va muammolari bilan ishlash holati yuzasidan axboroti;

✔️Shahar Adliya bo‘limining 2026-yilning birinchi yarim yilligida amalga oshirilgan ishlari yuzasidan axboroti;

✔️O‘zbekiston Respublikasi Prezidentining 2025-yil 3-yanvardagi PQ-1-sonli qarori ijrosi yuzasidan shahar prokurorining 2026-yilning birinchi yarim yilligida amalga oshirilgan ishlari to‘g‘risida axboroti;

✔️Shahar Ichki ishlar bo‘limining 2026-yil ikkinchi choragi davomida jinoyat va huquqbuzarliklarning oldini olish borasida amalga oshirilgan ishlari yuzasidan hisoboti;

✔️Shahar Tibbiyot birlashmasi rahbarining 2026-yilning birinchi yarim yilligida amalga oshirilgan ishlari yuzasidan hisoboti;

✔️O‘zbekiston Respublikasining 2026-yil 15-iyundagi “O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi O‘RQ-1153-sonli qonuni ijrosini ta’minlash to‘g‘risida;

✔️Yoshlar ishlari bo‘limi boshlig‘ining 2026-yilning birinchi yarim yilligida amalga oshirilgan ishlari yuzasidan hisoboti;

✔️Shahardagi 9-, 25-, 26-, 48- va 57-sonli umumta’lim maktablarida 2026–2027-o‘quv yili uchun inklyuziv ta’limni tashkil etish hamda ta’lim muassasalarini “To‘siqsiz muhit” talablariga moslashtirish to‘g‘risida;

✔️Shahar Maktabgacha va maktab ta’limi bo‘limining 2026-yilning birinchi yarim yilligida amalga oshirilgan ishlari yuzasidan hisoboti;

❗️Sessiyada deputatlar tomonidan kun tartibidagi har bir masala chuqur tahlil qilindi hamda sessiya kotibi va sanoq komissiya raisi xulosalari eshittirilib, hududni yanada rivojlantirish, aholining yashash sharoitlarini yaxshilash hamda islohotlar samaradorligini oshirishga qaratilgan tegishli qarorlar qabul qilindi.