Xalıq deputatları Bozataw rayonlıq Keńesiniń 8-sanlı "Erkindárya" saylaw okruginen (ÓzLiDeP) saylanǵan deputat J.Jumanazarov, Keńes sekretariatınıń bas qánigesi K.Aitmuratov hám "Erkindárya" APJ baslıǵınıń qatnasıwında aymaqtaǵı áhmiyetli máselelerdi dodalaw boyınsha ushırasıw ótkerildi.

Ushırasıw dawamında saylaw okrugi aymaǵında ámelge asırılıp atırǵan abadanlastırıw jumısları, xalıqtıń múrájatlarınıń orınlanıwı, bar mashqalalardı óz waqtında saplastırıw jáne máhálleni jáne de abat etiwge qaratılǵan wazıypalar boyınsha pikir alısıldı.

Sonday-aq, puqaralardıń máplerin támiyinlew, aymaqtı kompleksli rawajlandırıw hám juwapker shólkemler menen birge islesiwdi kúsheytiw boyınsha aldaǵı áhmiyetli wazıypalar belgilep alındı.
Xalıq penen pikirlesiw hám orınlardaǵı mashqalalardı sistemalı sheshiw - deputatlıq jumıstıń tiykarǵı baǵdarlarınan biri.