Xususiy mulkning daxlsizligini ta’minlash va mulkdorlar huquqlarini ishonchli himoya qilish mamlakatimizdagi huquqiy siyosatning ustuvor yo‘nalishlaridan biridir.

Shu maqsadda qabul qilingan «Xususiy mulkni himoya qilish va mulkdorlar huquqlarining kafolatlari to‘g‘risida»gi Qonun xususiy mulk huquqini mustahkam huquqiy kafolatlar bilan ta’minlaydi.

Qonunga muvofiq:
🔹 xususiy mulk davlat himoyasidadir;
🔹 mulkdorning huquqlariga qonunga xilof aralashishga yo‘l qo‘yilmaydi;
🔹 mulk faqat qonunda belgilangan hollarda va tartibda olib qo‘yilishi mumkin;
🔹 mulkdorga yetkazilgan zarar to‘liq qoplanishi kafolatlanadi;
🔹 huquq va manfaatlar sud orqali ishonchli himoya qilinadi.

Mazkur Qonunning izchil ijrosini ta’minlash xususiy mulk daxlsizligini mustahkamlash, tadbirkorlikni qo‘llab-quvvatlash, investitsiyaviy muhitni yanada yaxshilash hamda mamlakatimiz iqtisodiy taraqqiyotiga munosib hissa qo‘shishda muhim ahamiyat kasb etadi.

Qonunlarga rioya qilish – huquqlarimiz va qonuniy manfaatlarimizning ishonchli kafolatidir.