Xalq deputatlari Muzrabot tumani Kengashining 21-«Guliston» saylov okrugidan saylangan deputat, tuman hokimi Abdulla Mamatqulov "Guliston" mahallasida YTT Xudoyqulova Dilorom tomonidan tashkil etilgan ko‘chma savdo do‘koni faoliyati bilan tanishdi.

Mazkur savdo shoxobchasi 49-son umumta’lim maktabi oldida tashkil etilgan bo‘lib, mahalla aholisi hamda o‘quvchilarga qulay xizmat ko‘rsatib kelmoqda.

O‘rganish davomida tadbirkor bilan suhbat o‘tkazilib, faoliyatni yanada kengaytirish istiqbollari hamda mavjud muammolar muhokama qilindi.

Suhbat davomida tadbirkor tomonidan yer masalasi bo'yicha murojaat bildirildi. Tuman hokimi, tuman Kengashi deputati murojaatni joyida ko‘rib chiqib, uni ijobiy hal etish bo‘yicha mas’ullarga tegishli topshiriqlar berdi.

Ta’kidlanganidek, tadbirkorlik subyektlarining qonuniy manfaatlarini himoya qilish, ularning faoliyatini kengaytirish uchun zarur shart-sharoitlarni yaratish va mavjud muammolarni tezkor hal etish tuman hokimligining ustuvor vazifalaridan biri hisoblanadi.