📌 Kengash qarori ijrosi o‘rganildi

Xalq deputatlari Boyovut tumani Kengashining 2026-yil 3-martdagi VII-22-24-9-123-K/26-sonli qarori ijrosi doirasida tumandagi “og‘ir” toifadagi mahallalarda “Islohotlar dasturi” asosida amalga oshirilayotgan chora-tadbirlar holati o‘rganildi.

📍 O‘rganish ishlari Kengash raisi O.Isanov, doimiy komissiya raislari A.Amanlikov va A.Ibadullayev, shuningdek, Kengash kotibiyati bosh mutaxassisi A.Sharopov ishtirokida “Sohil” mahalla fuqarolar yig‘ini hududida olib borildi.

💧 O‘rganish davomida mahalladagi 490 ta xonadonning 15 gektar tomorqa yer maydonlarini oqova suv bilan ta’minlash imkoniyatlarini yaxshilashga qaratilgan loyiha ishlari ko‘zdan kechirildi.

🔹 Mazkur loyiha doirasida:

• quyosh paneli yordamida ishlaydigan suv nasosi o‘rnatish;
• 3,5 km uzunlikdagi lotok tarmog‘ini tortish;
• tomorqa yerlarini sug‘orish imkoniyatlarini yaxshilash bo‘yicha belgilangan ishlar amalga oshirilishi nazoratdan o‘tkazildi.

📋 O‘rganish jarayonida loyiha ishlarining belgilangan muddatlarda va sifatli bajarilishi, ajratilgan mablag‘lardan samarali foydalanish hamda aholi uchun yaratilayotgan qulayliklar holati yuzasidan mas’ullarga tegishli tavsiya va ko‘rsatmalar berildi.

🤝 Xalq deputatlari Boyovut tumani Kengashi tomonidan qabul qilingan qarorlar ijrosini ta’minlash, hududlarda amalga oshirilayotgan loyihalar samaradorligini oshirish hamda aholi muammolarini tizimli hal etish bo‘yicha nazorat tadbirlari davom ettirilmoqda.