Deputatlar tárepinen Shımbay diyqan bazarı átirapında avtotransport qolaylıqların tártipke salıw hám transport quralların jaylastırıw máseleleri dodalandı

🔸 Májiliste Xalıq depuataları Shımbay rayonlıq Keǹesı sekretariat baslıǵı M.Zarikeev, turaqlı komissiya baslıqları, rayonlıq keǹes deputatlar hámde tiyisli taraw qániygeleri qatınastı.

Dodalaw dawamında bazar aymaǵına keliwshi puqaralar ushın qolaylı hám qáwipsiz avtomobil turıw orınların shólkemlestiriw, transport qurallarınıń tártipsiz toqtap turıwı nátiyjesinde júzege kelip atırǵan tıǵılıslardıń aldın alıw, jol háreketi qáwipsizligin támiyinlew hám bazar átirapı infrastrukturasın jáne de jetilistiriw máseleleri kórip shıǵıldı.

Sonday-aq, juwapker shólkemlerge avtomobil turıw ornınan nátiyjeli paydalanıwdı jolǵa qoyıw, transport aǵımın tártipke salıw, mashqalalardı saplastırıw hám puqaralar ushın qolaylı sharayatlar jaratıw boyınsha tiyisli usınıslar berildi.