Xalq deputatlari Sharof Rashidov tuman Kengashining navbatdagi sessiyasida Sharof Rashidov tumani Ichki ishlar boshqarmasining 2026-yilning 6 oyi davomida huquqbuzarliklarning oldini olish va ularning profilaktikasi, shuningdek jamoat xavfsizligini taʼminlash borasida amalga oshirilgan ishlar toʻgʻrisidagi hisoboti ko‘rib chiqilishi rejalashtirilgan.

Shu munosabat bilan tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi aʼzolari hamda deputatlar tomonidan tumandagi kriminogen vaziyat, huquqbuzarliklar profilaktikasi samaradorligi, jamoat xavfsizligini taʼminlash, mahallalarda osoyishtalikni mustahkamlashda olib borilayotgan ishlar joyiga chiqqan holda atroflicha o‘rganilmoqda.

O‘rganishlar doirasida dastlab deputatlar Toshkentlik mahallasida joylashgan Ichki ishlar boshqarmasining tayanch punkti faoliyati bilan tanishdilar.

Unda xodimlar uchun yaratilgan shart-sharoitlar, fuqarolardan kelib tushayotgan murojaat va chaqiruvlarni qabul qilish , ularga tezkor munosabat bildirish hamda xizmat faoliyatini samarali tashkil etish bo‘yicha amalga oshirilayotgan ishlar batafsil o‘rganilmoqda.