Sharof Rashidov tumani prokuraturasi tomonidan 2026-yilning o‘tgan davri mobaynida O‘zbekiston Respublikasi Prezidentining 2026-yil 5-yanvardagi PQ-1-son qarori ijrosi doirasida mahallalarda jinoyatchilikning barvaqt oldini olish hamda huquqbuzarliklar profilaktikasi samaradorligini oshirish borasida amalga oshirilgan ishlar to‘g‘risidagi hisobot Xalq deputatlari Sharof Rashidov tuman Kengashining navbatdagi sessiyasi kun tartibiga kiritilishi rejalashtirilgan.

Mazkur masalani sessiyaga qadar har tomonlama va chuqur o‘rganish, hududlarda amalga oshirilayotgan ishlar holatini tahlil qilish hamda mavjud muammo va kamchiliklarni aniqlash maqsadida tuman Kengashi deputatlari tomonidan manzilli o‘rganishlar olib borilmoqda.

Navbatdagi o‘rganishlar Sharof Rashidov tumanining Toqchiliq mahallasida tashkil etilib, unda mahallada jinoyatchilikning barvaqt oldini olish, huquqbuzarliklar profilaktikasini tashkil etish, profilaktik tadbirlarning samaradorligi hamda mutasaddi idoralar hamkorligida amalga oshirilayotgan ishlar joyiga chiqqan holda ko‘rib chiqilmoqda.