Sessiyada tuman ijtimoiy-iqtisodiy rivojlanishi, qonun ustuvorligini ta’minlash, jinoyatchilik va korrupsiyaga qarshi kurashish, jamoat xavfsizligini mustahkamlash, aholi murojaatlari bilan ishlash samaradorligi, nogironligi bo‘lgan shaxslarni qo‘llab-quvvatlash, davlat dasturlari va Prezident hamda Hukumat qarorlari ijrosi, ichki yo‘llarni ta’mirlash, suv ta’minoti tizimini yaxshilash, “Yoshlar daftari” jamg‘armasi mablag‘larini ajratish, mahalliy budjet masalalari hamda boshqa dolzarb yo‘nalishlarga oid masalalar atroflicha muhokama qilindi.

Kun tartibidagi masalalar yuzasidan mutasaddi rahbarlarning hisobot va axborotlari tinglanib, deputatlar tomonidan muhokamalar o‘tkazildi. Bildirilgan taklif va mulohazalar asosida tegishli qarorlar qabul qilinib, mas’ullarga aniq vazifalar belgilab berildi.

Sessiya ishida Xalq deputatlari tuman Kengashi deputatlari, viloyat Kengashi deputatlari, tuman hokimining o‘rinbosarlari, ekspert guruhi a’zolari, Yoshlar maslahat guruhi vakillari hamda tegishli tashkilotlar rahbarlari ishtirok etdi.