Xalq deputatlari Taxiatosh tumani Kengashiga Oʻzbekiston Liberal-demokratik partiyasidan saylangan deputat Mustafaev Azat Yesbosinovich Xalq deputatlari Taxiatosh tumani Kengashi kotibiyati mudiri Matniyazov Akbar Qadirovich bilan birgalikda o‘zi saylangan “Oydin yo‘l” MFY 13-P.Seytov saylov okrugi hududida yangidan bunyod etilgan 23-sonli umumiy o‘rta ta’lim maktabida yangi o‘quv yiliga tayyorgarlik jarayonini joyiga chiqqan holda o‘rgandi.

🏫 O‘rganish davomida ta’lim muassasasining foydalanishga tayyorgarligi, o‘quv jarayonini sifatli tashkil etish uchun zarur shart-sharoitlar hamda mavjud kamchiliklar atroflicha ko‘zdan kechirildi.

🔍 Aniqlangan kamchiliklar bo‘yicha mas’ullar bilan muhokama o‘tkazilib, ularni qisqa muddatlarda bartaraf etish zarurligi ta’kidlandi.

📄 O‘rganish yakunida mavjud muammolarni hal etish maqsadida tegishli tashkilotlarga deputatlik so‘rovi yuborilishi hamda masalaning ijrosi deputatlik nazoratida bo‘lishi belgilandi.

📚 Ta’lim muassasalarini yangi o‘quv yiliga puxta tayyorlash va aniqlangan kamchiliklarni o‘z vaqtida bartaraf etish sifatli ta’lim muhitini yaratishning muhim omillaridan biridir.