SAYYOR QABUL O‘TKAZILDI 

Xalq deputatlari Quva tuman Kengashi
deputati, tuman hokimi X.Umarov tomonidan jismoniy va yuridik shaxslarning
murojaatlarini o‘rganish, ularning muammo va takliflarini tinglash hamda ijobiy
hal etish choralarini ko‘rish maqsadida navbatdagi sayyor qabul o‘tkazildi. 

Sayyor qabulda Kengash kotibiyati mudiri R.Nodirov, Kengash deputati A.Dadajonov,
Kengash huzuridagi yoshlar maslahat guruhi raisi J.Abdurashidovlar ishtirok
etdi. 

Qabulda fuqarolar tomonidan uy-joy masalalari, ish bilan ta’minlash, tadbirkorlikni
rivojlantirish, kommunal xizmatlar, infratuzilmani yaxshilash, ijtimoiy
qo‘llab-quvvatlash hamda boshqa sohalarga oid murojaatlar bildirildi. 

Har bir murojaat yuzasidan mas’ul tashkilotlar rahbarlari ishtirokida atroflicha
muhokama o‘tkazilib, qonunchilik doirasida joyida hal etilishi mumkin bo‘lgan
masalalar bo‘yicha amaliy yechimlar qabul qilindi. 

Qo‘shimcha o‘rganish talab etiladigan murojaatlar esa nazoratga olinib, ularni belgilangan
muddatlarda ijobiy hal etish yuzasidan mas’ullarga aniq topshiriqlar berildi.