#o'rganish

Sessiya kun tartibiga kiritilgan masala bo‘yicha joyiga chiqib o‘rganish ishlari amalga oshirildi

Xalq deputatlari Nurafshon shahar Kengashining navbatdagi sessiyasi kun tartibiga kiritilgan Shahar maktabgacha va maktab ta’limi bo‘limining 6 oy mobaynida amalga oshirilgan ishlar yuzasidan hisoboti masalalarni har tomonlama o‘rganish maqsadida joyiga chiqib o‘rganish ishlari tashkil etildi.

Unda Ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi A.Tursunboev, kotibiyat mudiri K.Umarboev , kotibiyati bosh mutaxassisi hamda shahar maktabgacha va maktab bo'limi ishtirok etdi.

O‘rganish davomida shahar maktabgacha ta’lim tashkilotlarida pedagog kadrlar salohiyatini oshirish bo‘yicha “Yo‘l xaritasi” ishlab chiqilganligi,
Inklyuziv ta’limni rivojlantirish doirasida qo‘shimcha umumta’lim maktablari va maktabgacha ta’lim tashkilotlarida inklyuziv ta’limni joriy etish, alohida ta’lim ehtiyojlari bo‘lgan bolalar uchun zarur shart-sharoitlarni yaratish, “To‘siqsiz muhit” talablariga mos ta’lim muassasalari sonini oshirish choralarini tasdiqlash masalalari atroflicha ko‘rib chiqildi.

O‘rganish natijalari yuzasidan tegishli xulosa va takliflar bildirildi.