Bugun, Xalq deputatlari Chinoz tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiya majlisi bo‘lib o‘tdi.

Majlisni doimiy komissiya raisi Surayyo Axmedova olib bordi.

Doimiy komisssiya yig'ilishida Kengash raisi A.Turdiboyev ham ishtirok etdi.

Kun tartibiga kiritilgan masalalar yuzasidan tuman prokurori, tuman Adliya bo‘limi boshlig‘i, tuman Ichki ishlar bo‘limi boshlig‘i hamda Xalq qabulxonasining axborot va hisobotlari tinglandi.

Kun tartibidagi masalalar muhokamasida doimiy komissiya a'zolari F.Ibragimov, M.Mirsodiqovlar so‘zga chiqib, o‘zlarining savol, taklif va fikr-mulohazalarini bildirib o‘tdilar.

Majlis yakunida kun tartibidagi masala bo‘yicha bildirilgan takliflar va fikr-mulohazalarni inobatga olib, Xalq deputatlari Chinoz tumani Kengashining navbatdagi sessiyasi kun tartibiga kiritish to‘g‘risida xulosa qilindi hamda tegishli qaror qabul qilindi.