Elektr ta’minoti obyektlarida rekonstruksiya ishlari o‘rganildi

Xalq deputatlari Pastdarg‘om tumani Kengashining 2026-yil 7-apreldagi VII-25-42-7-101-K/26-son qarori ijrosi doirasida hududlarda elektr energiyasi ta’minoti tizimini yaxshilash bo‘yicha amalga oshirilayotgan ishlar o‘rganildi.

O‘rganish davomida deputat O‘.Shukurov Yangiobod MFYni elektr energiyasi bilan ta’minlovchi 1-kVa f-Bayroq EUT hamda Boldir va Oshiq Ota MFYlarini elektr energiyasi bilan ta’minlovchi 1-kVa f-Siyavush EUTlarini rekonstruksiya qilish uchun ajratilgan mablag‘larning yo‘naltirilishi, bajarilayotgan ishlar holati va loyihalar amaliy samaradorligi ko‘zdan kechirildi.

Mazkur ishlarning asosiy maqsadi — aholini sifatli va barqaror elektr energiyasi bilan ta’minlash, elektr tarmoqlarining texnik holatini yaxshilash hamda hududlarda yuzaga kelishi mumkin bo‘lgan uzilishlarning oldini olishdan iborat.

O‘rganish jarayonida aniqlangan holatlar yuzasidan mas’ullarga tegishli tavsiya va ko‘rsatmalar berildi.