20-Gulzor, 23-Vatan va 24-Chinor saylov okruglari fuqarolari uchun mehnat yarmarkasi tashkil etildi

Aholi bandligini ta’minlash, ishsiz fuqarolarni doimiy ish o‘rinlariga yo‘naltirish hamda ularning mehnat bozoridagi imkoniyatlarini kengaytirish maqsadida 20-Gulzor, 23-Vatan va 24-Chinor saylov okruglari fuqarolari uchun mehnat yarmarkasi tashkil etildi.

Mazkur yarmarkada Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirov ishtirok etdilar.

Tadbir davomida fuqarolarga korxona va tashkilotlardagi mavjud bo‘sh ish o‘rinlari, mehnat sharoitlari, ish haqi hamda ishga qabul qilish tartibi yuzasidan batafsil ma’lumotlar berildi. Shuningdek, ish izlayotgan fuqarolar va ish beruvchilar o‘rtasida bevosita muloqot tashkil etilib, nomzodlarning malakasi va tajribasiga mos ish o‘rinlarini tanlash imkoniyati yaratildi.


Mehnat yarmarkasi ishtirokchilariga bandlikni ta’minlash, kasb-hunar egallash, qayta tayyorlash va malaka oshirish imkoniyatlari yuzasidan ham tegishli tavsiyalar berildi.
Bunday tadbirlar fuqarolarning bandligini ta’minlash, ularning daromad manbalarini kengaytirish hamda hududda ijtimoiy-iqtisodiy barqarorlikni mustahkamlashda muhim ahamiyat kasb etadi.