Olmaliq shahar Adliya bo‘limining ish samaradorligi va aholiga ko‘rsatilayotgan huquqiy xizmatlar sifati deputatlar e’tiborida.
Xalq deputatlari shahar Kengashining 1-okrug deputati Faxriddin Matasimov hamda 18-okrug deputati Azamat Mavlonov tomonidan Olmaliq shahar Adliya bo‘limi faoliyati atroflicha o‘rganildi.

O‘rganish davomida quyidagi masalalarga alohida e’tibor qaratildi:
Aholi murojaatlari bilan ishlash holati;
Fuqarolarga ko‘rsatilayotgan davlat xizmatlarining tezkorligi va sifati;
Qonun hujjatlarining joylarda to‘g‘ri ijro etilishi hamda huquqiy targ‘ibot tadbirlarining samaradorligi.
Deputatlar tomonidan bo‘lim faoliyatini yanada takomillashtirish, fuqarolarning huquqiy savodxonligini oshirish va yuzaga kelayotgan masalalarni qonuniy hal etish borasida tegishli taklif hamda tavsiyalar bildirildi.
Xalq vakillarining bu kabi o‘rganishlari davlat organlari faoliyatining ochiqligi va xalqqa yaqinligini ta’minlashga xizmat qiladi.