Kuni kecha Xalq deputatlari Olmaliq shahar Kengashi kotibiyati mudiri Sevar Qodirova, shahar hokimining birinchi o‘rinbosari Shermuhammad Begiyev hamda Kotibiyat bosh mutaxassisi Muhriddin Begmatov tomonidan "Ko'rpasoy" mahallasidagi ichki ko‘cha yo‘llari, ko‘chalarning tunda yoritilishi hamda obodonlashtirish ishlari holati joyiga chiqqan holda o‘rganilgan edi.

Mahalla "yettiligi" (mahalla raisi, xotin-qizlar faoli, hokim yordamchisi, yoshlar yetakchisi va boshqalar) ishtirokida o‘tkazilgan ushbu ko‘zdan kechirish jarayonida hududdagi mavjud holat yuzasidan haqli e’tirozlar bildirildi. Xususan, obodonlashtirish ishlari sust bajarilganligi, yo‘l chetidagi yovvoyi o‘tlar o‘sib ketganligi va hududning abgor holati qattiq tanqid ostiga olingan edi.

📸 HOLAT: OLDIN VA KEYIN
🛑 OLDIN: Mahalla ichki ko‘chalarida obodonlashtirish ishlari e’tibordan chetda qolgan, yo‘l chetlari va ariq bo‘ylarini yovvoyi o‘tlar qoplab yotgan edi. Bu esa aholining haqli e’tirozlariga sabab bo‘layotgan edi.

✅ KEYIN (BUGUN): Bildirilgan tanqidiy fikrlardan to‘g‘ri xulosa chiqargan mahalla "yettiligi" va mutasaddilar zudklik bilan ishga kirishishdi. Kamchiliklar nazoratga olinib, hududda keng ko‘lamli tozalash ishlari tashkil etildi. Bugungi kunda mahalla ko‘chalari ortiqcha chiqindi va o‘tlardan tozalanib, batamom obod va ozoda holatga keltirildi.

Xulosa o‘rnida: Deputatlarning ushbu nazorat tadbiri mahalladagi muammolarning tezkor va sifatli hal etilishiga turtki bo‘ldi. Hudud obodligi va tunda yoritish tizimini yanada yaxshilash borasidagi ishlar shahar Kengashi hamda hokimlik nazoratida davom etadi.