Olmaliq shahridagi Xalq qabulxonasida fuqaro murojaatlari bilan ishlash holati, aholining haqli e’tirozlariga sabab bo‘layotgan masalalar hamda ularning manzilli yechimi atroflicha tahlil qilindi.

🔎Xalq deputatlari shahar Kengashi kotibiyat mudiri Sevar Qodirova hamda bosh mutaxassis Mukarram Nematullayeva tomonidan olib borilgan o‘rganishlar davomida quyidagilarga alohida e’tibor qaratildi:
Muammolar xaritasi: Bugungi kunda aholi tomonidan eng ko‘p e’tirozlar bildirilayotgan mahallalar aniqlandi;
Mas’uliyat tahlili: Kelib tushayotgan murojaatlar aynan qaysi tashkilot yoki sohaga tegishli ekanligi tahlil qilinib, shahar hokimi o‘rinbosarlari tomonidan muammolarni hal etish choralari qay darajada ko‘rilayotgani ko‘rib chiqildi.

⚡️ Asosiy taklif va vazifalar: Murojaatlarni shunchaki qog‘ozda emas, bevosita joyiga borgan holda o‘rganish tizimini kuchaytirish zarurligi ta’kidlandi. Bunda mahalla yettiligining faolligini oshirish hamda jarayonlarga jamoatchilik vakillarini kengroq jalb etish bo‘yicha aniq takliflar berildi.

Fuqaro manfaatlari va ularning murojaatlari bilan ishlash doimiy nazoratda qoladi.