Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich “Ekspert guruhi” a’zosi M.Mamutov bilan birgalikda “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘zbekiston Respublikasi Qonuni (O‘RQ–641, 2020-yil 15-oktyabr) ijrosi yuzasidan nazorat o‘tkazdi.

🔍 O‘rganish davomida Tibbiy-ijtimoiy ekspertiza komissiyasi tomonidan fuqarolarga birlamchi hamda qayta nogironlik guruhini belgilash maqsadida tashkil etilgan tibbiy ko‘rik jarayonlari joyiga chiqqan holda ko‘zdan kechirildi.

🤝 Shuningdek, tibbiy ko‘rikdan o‘tayotgan nogironligi bo‘lgan shaxslar bilan suhbatlashilib, ularga yaratilgan sharoitlar, ko‘rsatilayotgan xizmatlarning sifati va murojaatlarni ko‘rib chiqish tartibi yuzasidan fikrlari tinglandi. Tibbiyot xodimlari bilan ham amaldagi tartib va xizmat ko‘rsatish samaradorligi muhokama qilindi.

📋 O‘rganish yakunida qonun ijrosini yanada samarali tashkil etish, fuqarolarga ko‘rsatilayotgan ijtimoiy xizmatlar sifatini oshirish hamda ehtiyojmand shaxslar uchun qulay sharoitlarni yanada yaxshilash yuzasidan tegishli tavsiyalar berildi.

🤝 Ijtimoiy himoyaga muhtoj fuqarolarning huquq va manfaatlarini ta’minlash ustidan tizimli nazorat — Kengash faoliyatining ustuvor yo‘nalishlaridan biridir.