Xalq deputatlari Taxiatosh tumani Kengashi raisi topshirig‘iga asosan Kengash kotibiyati bosh mutaxassisi A.Aymbetov “Shamchiroq” MFY 12-Ashxabat saylov okrugi hududidagi Lolazor ko‘chasida amalga oshirilayotgan kanalizatsiya tarmoqlarini qurish ishlari bilan joyiga chiqqan holda tanishdi.

🏗 O‘rganish davomida qurilish ishlari bosqichma-bosqich ko‘zdan kechirilib, mutaxassislar bilan bajarilayotgan ishlarning sifati, belgilangan loyiha talablariga rioya etilishi hamda obyektni o‘z vaqtida foydalanishga topshirish masalalari muhokama qilindi.

🔍 Shuningdek, qazish ishlari yakunlangan hududlarni obodonlashtirish, yo‘llrni avvalgi holatiga qayta tiklash hamda aholi uchun yuzaga kelishi mumkin bo‘lgan noqulayliklarni qisqa muddatlarda bartaraf etish yuzasidan tavsiyalar bildirildi.

📄 O‘rganish yakunlari bo‘yicha aniqlangan holatlar va amalga oshirilayotgan ishlarning borishi yuzasidan Xalq deputatlari Taxiatosh tumani Kengashi raisiga tegishli ma’lumot kiritilishi belgilandi.