Xalq deputatlari tuman Kengashi kotibiyati bosh mutaxassisi D. Qanoatov hamda O‘zbekiston "Adolat" SDP tuman Kengashi raisi M. Eshmurodova hamkorlikda Qalayi Azizon mahallasi yoshlar yetakchisining faoliyatini o‘rgandi.

O‘rganish jarayonida yoshlar yetakchisi tomonidan amalga oshirilayotgan ishlar, yoshlar bilan ishlash samaradorligi, bandlikni ta’minlash, ijtimoiy faollikni oshirish hamda mavjud muammolarni bartaraf etish borasidagi faoliyat tahlil qilindi.

Shuningdek, olib borilayotgan ishlarni yanada takomillashtirish, yoshlar bilan manzilli ishlash tizimini kuchaytirish va belgilangan vazifalarni samarali tashkil etish yuzasidan zarur tavsiya va takliflar berildi.

Hamkorlikdagi bunday o‘rganishlar mahallalarda yoshlar siyosati ijrosini yanada samarali tashkil etishga xizmat qilmoqda.