Xalq deputatlari Olmaliq shahar Kengashi deputati Zuhra Pulatova tomonidan hududdagi eng og‘riqli nuqtalardan biri — "O‘zbekiston" mahallasi Gultepa ko‘chasi yo‘llarining bugungi kundagi holati joyiga chiqqan holda o‘rganildi.
Afsuski, o‘rganishlar natijasi hududda aholi farovonligi uchun qabul qilingan Prezidentimizning PQ-343-sonli qarori ijrosi bu yerda mutasaddilar tomonidan mutlaqo qoniqarsiz tashkil etilganini ko‘rsatmoqda.

🔍JARAYONDA:
➡️Ko‘chalarni kovlab, ma’lum bir ishlar bajarilgandan so‘ng, yo‘llar oxirigacha tiklanmasdan, tartibsiz holatda tashlab ketilgan. Bu esa aholi va transport vositalarining harakatlanishiga jiddiy xavf va qiyinchilik tug‘dirmoqda.
➡️Ichimlik suvi hamda oqova suv (kanalizatsiya) quvurlari yuzasidan qilingan barcha ishlar talabga mutlaqo javob bermaydi, holat juda achinarli.
💬 Deputat munosabati:
"Prezident qarorlari qog‘ozda qolishi yoki hisobot uchun yuzaki bajarilishi kerak emas! Gultepa ko‘chasi aholisi nega qilingan chala ishlar ortidan loy va nosoz yo‘llardan yurishga majbur bo‘lishi kerak? Oqova suv quvurlari tizimidagi bunday sifatsizlik ertaga kattaroq muammolarni keltirib chiqarmaydimi?"

📍Mazkur holat bo‘yicha mas’ul tashkilot va pudratchi tashkilot tomonidan yo‘l va oqova suv tizimidagi kamchiliklar tez fursatda, sifatli bartaraf etilishi yuzasidan deputatlik so‘rovi yuboriladi va shahar Kengashi tomonidan muhokama qilinadi.