Xalq deputatlari Parkent tuman Kengashiga 7-“Xisarak” saylov okrugidan saylangan deputat Mannonov Abduzarif Abduraufovich tomonidan “Chinorbuloq” mahallasida aholi murojaatlarida ko‘tarilgan masalalar yuzasidan joyiga chiqqan holda o‘rganish ishlari olib borildi.O‘rganish jarayonida “Zarshox” ko‘chasidagi soy o‘zanida Favqulodda vaziyatlar vazirligi tomonidan betonlashtirish ishlari amalga oshirilgani hamda ko‘prik yangilangani, biroq qurilish ishlari yakunlanganidan so‘ng ko‘prik ustki qismi qayta asfaltlanmagani aniqlandi. Mazkur holat ushbu hududda istiqomat qiluvchi aholi tomonidan haqli e’tirozlarga sabab bo‘layotgani qayd
etildi.Aniqlangan muammoni qisqa muddatda bartaraf etish va aholi murojaatini ijobiy hal etish maqsadida mas’ul tashkilotlarga deputatlik so‘rovi yuborish hamda tegishli choralarni ko‘rish yuzasidan amaliy yordam ko‘rsatish zarurligi belgilandi. Mazkur masala deputatlik nazorati doirasida nazoratga olindi.