Xalq deputatlari Olmaliq shahar Kengashi kotibiyati hamda shahar hokimligi masʼullari tomonidan joylarda oʻrganish ishlari davom ettirilmoqda.
Kengash kotibiyati mudiri Sevar Qodirova, shahar hokimining birinchi oʻrinbosari Shermuhammad Begiyev hamda kotibiyat bosh mutaxassisi Muhriddin Begmatovdan iborat ishchi guruh tomonidan "Do'stlik" mahallasida navbatdagi oʻrganish tadbiri oʻtkazildi.

🔹Mahalla binosi va uning atrofidagi hududlarning tozaligi, sanitariya talablariga javob berish darajasi koʻzdan kechirildi.
🔹Mahalladagi hokim yordamchisining bugungi kunga qadar amalga oshirgan ishlari hamda yuritilayotgan rasmiy hujjatlari tahlil qilindi.
🔹Mahallada ishsiz fuqarolar roʻyxati, shuningdek, tadbirkorlik faoliyatini boshlash istagida boʻlgan aholi vakillariga koʻrsatilgan amaliy yordamlar holati batafsil oʻrganildi.

⚠️ Tanqidiy tahlil va topshiriqlar
Oʻrganish davomida mahalla binosi atrofidagi obodonlashtirish ishlarining talab darajasida emasligi keskin tanqid ostiga olindi.
📌 Yoʻl qoʻyilgan kamchiliklarni tezkorlik bilan bartaraf etish, hududni tartibga keltirish va qisqa muddatda obod maskanga aylantirish boʻyicha mahalla masʼullariga 3 kunlik muddat berilib, ijrosi qatʼiy nazoratga olindi.

Hududlarda aholi farovonligi va mahalla infratuzilmasini yaxshilashga qaratilgan nazorat tadbirlari davom etadi.