Olmaliq shahrida aholi muammolarini hal etish va ijtimoiy ko‘mak tizimini yangi bosqichga olib chiqish borasidagi ishlar qat'iy nazoratga olingan.
Xususan, O‘zbekiston Respublikasi Oliy Majlisi Senati Kengashining KQ-35-V-sonli qarori ijrosini ta’minlash, ya'ni mahalliy Kengash deputatlarining “mahalla yettiligi” bilan o‘zaro hamkorligini kuchaytirish maqsadida, "Uvaysiy" mahallasida o‘rganish ishlari tashkil etildi.

🔍 O‘rganishda:
Mazkur jarayon to‘g‘ridan-to‘g‘ri hududga chiqqan holda quyidagi mas’ullar tomonidan o‘rganildi va muvofiqlashtirildi:
Sevar Qodirova – Xalq deputatlari Olmaliq shahar Kengashi kotibiyat mudiri;
Behzod Salimov – 16-okrug deputati
Muhriddin Begmatov – Kotibiyat bosh mutaxassisi ishtirok etdi.
🤝Diqqat markazida: Ijtimoiy xodim faoliyati va manzillilik
Senat qarori talablariga muvofiq, deputat va mahalla yettiligi tarkibidagi ijtimoiy xodim tomonidan hududda olib borilayotgan ishlarning haqiqiy holati tahlil qilindi.
Jarayonda:
Ijtimoiy himoyaga muhtoj xonadonlar, kam ta’minlangan oilalar va yetim bolalarga ko‘rsatilgan ijtimoiy xizmatlarning sifati;
Fuqarolarga nafaqalar va moddiy yordamlar tayinlanishida adolat mezonlariga rioya etilishi;
Aniqlangan kamchiliklarni tezkor bartaraf etish hamda mahalla darajasidan yuqori bo‘lgan masalalarni "Deputat so‘rovi" orqali shahar miqyosida hal qilish choralarini ko‘rishga e'tibor qaratildi.
💡 Eslatib o‘tamiz: Senatning ushbu qaroridan ko‘zlangan asosiy maqsad — deputatlarning xonadonbay yurib, mahalla faollari bilan birga har bir muhtoj fuqaroning muammosiga individual yechim topishidir. Uvaysiy mahallasidagi o‘rganishlar bu tizim Olmaliqda real natija berayotganini ko‘rsatmoqda.