Xalq deputatlari Qo‘qon shahar Kengashi raisi va deputati A.Nosirov tomonidan saylovchilar murojaati asosida Qo‘qon shahar hokimining birinchi o‘rinbosari O.Qurbonov nomiga deputatlik so‘rovi yuborildi.

Deputatlik so‘rovida "Shayxon" mahalla fuqarolar yig‘ini hududidagi Shayxonpoyon ko‘chasida joylashgan Markaziy dehqon bozori atrofida savdo qiluvchilarning bozor hududidan tashqariga chiqib faoliyat yuritayotgani natijasida tartibsizliklar yuzaga kelayotgani qayd etilgan.

Mazkur holat fuqarolar tomonidan bildirilgan murojaatlar asosida o‘rganilib, amaldagi qonunchilik talablari asosida ko‘chadagi tartibsiz savdoni bartaraf etish, savdo faoliyatini belgilangan tartibga solish hamda jamoat tartibini ta’minlash yuzasidan tegishli choralar ko‘rish so‘ralgan.

Shuningdek, deputatlik so‘rovida ushbu masala bo‘yicha amalga oshiriladigan ishlar haqida belgilangan muddatlarda rasmiy axborot taqdim etish ham so‘ralgan.

Mazkur masala deputat nazoratiga olingan bo‘lib, deputatlik so‘rovi ijrosi yuzasidan qo‘shimcha ma’lumotlar jamoatchilikka muntazam yetkazib boriladi.

Xalq deputatlari Qo‘qon shahar Kengashi