Shımbayda jańa IT qalashası boy tiklemekte: Keńes sekretariatı baslıǵı qurılıs jumıslarınıń barısı menen tanıstı

⚡️Shımbay rayonında jaslardıń zamanagóy IT texnologiyalardı iyelewi hám tarawda jańa jumıs orınların jaratıw maqsetinde keń kólemli jumıslar ámálge asırılmaqta.

Atap aytqanda, Xalq deputatları Shımbay rayonlıq Keńesi sekretariatı baslıǵı M.Zarikeev «Shaxtemir» MPJ aymaǵında jańadan qurılıp atırǵan jaslar IT qalashası qurılısı menen jaqınnan tanıstı.

Ilaj dawamında qurılıs jumıslarınıń sapası, belgilengen múddetlerde juwmaqlanıwı hám keleshekte jaslar ushın jaratılatuǵın qolaylıqlar dodalandı. Sonday-aq, aldaǵı waqıtta jaslarǵa zamanagóy dástúrlew hám IT-qánigeliklerin úyretiw jaǵdayları, startap joybarlardı qollap-quwatlaw hám rawajlandırıwǵa qaratılǵan áhmiyetli máseleler kórip.

Ilaj sońında qurılısshılar hám juwapkerlerge jumıslardı óz waqtında hám sapalı támiyinlew boyınsha zárúr usınıs hám tapsırmalar berildi.