Xalq deputatlari Olmaliq shahar Kengashi Kotibiyat mudiri Sevara Qodirova hamda deputat Matluba Ashurova tomonidan “Chambil” mahallasida faoliyat yuritayotgan ijtimoiy xodimning ish samaradorligi tahlil qilindi.

Mahalladagi kam ta’minlangan va ijtimoiy himoyaga muhtoj oilalarga ko‘rsatilgan amaliy yordamlar hajmi va manzilliligi ko‘rib chiqildi.

Ijtimoiy xodim tomonidan yuritilayotgan xizmat daftarlari va fuqarolar bilan ishlash tartibi tahlil qilindi.

Jarayon davomida faoliyatda ayrim sustkashliklar va kamchiliklar aniqlanib, ularni bartaraf etish yuzasidan deputatlar tomonidan tegishli tavsiyalar berildi. Xususan, ijtimoiy himoyaga muhtoj har bir fuqaro bilan individual ishlash va ularga davlat tomonidan berilayotgan imtiyozlarni tushuntirish ishlarini kuchaytirish lozimligi ta’kidlandi.

✅ Maqsadimiz — har bir muhtoj oilaga o‘z vaqtida va sifatli ijtimoiy yordam yetib borishini ta’minlashdir.