#qonun_19_1_modda
#doimiy_komissiya
#deputatlik_nazorati
#tavsiyalar
#ekspert_guruhi

“Muammo bilan yuzma-yuz” loyihasi: fuqarolar murojaatlari joyida o‘rganildi

“Adolat” SDPning “Muammo bilan yuzma-yuz” loyihasi doirasida Xalq deputatlari Kogon shahar Kengashi deputati K. Yodgorova o‘zi saylangan okrug hududida xonadonma-xonadon yurib, fuqarolar bilan ochiq muloqot o‘tkazdi.

Muloqotlar davomida aholini qiynab kelayotgan ijtimoiy va maishiy masalalar, kommunal xizmatlar, infratuzilma hamda boshqa dolzarb muammolar yuzasidan murojaatlar tinglandi. Har bir murojaat atroflicha o‘rganilib, ularni qonunchilik doirasida hal etish bo‘yicha amaliy choralar belgilandi. Tezkor yechim talab etadigan masalalar yuzasidan tegishli mutasaddi tashkilotlarga murojaat qilish va ijrosini deputatlik nazoratiga olish bo‘yicha zarur choralar ko‘rildi.

Fuqarolar bilan bevosita muloqot qilish, ularning dardu tashvishlarini joyida o‘rganish hamda muammolarga amaliy yechim topish deputatlik faoliyatining ustuvor yo‘nalishlaridan biri bo‘lib qolmoqda.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash