Xalq deputatlari Mirzo Ulug‘bek tumani Kengashi kotibiyati mudiri, “Adolat” SDP a’zosi Shoanvar Shomaxmudov tomonidan “Sayram” mahallasi “Sayram” 4-tor ko‘chasida fuqarolar murojaatlari asosida joyiga chiqib o‘rganish ishlari olib borildi.

Ushbu murojaatlarda elektr tarmoqlari tizimini yaxshilash, hududda obodonlashtirish va ijtimoiy masalalar, qurilish ishlari bo‘yicha yuzaga kelgan o‘zaro kelishmovchiliklar va suv ta’minotina yanada yaxshilash masalalari ko‘tarilgan bo‘lib, ular deputat tomonidan o‘rganildi.

Mazkur shikoyatlarning ba’zilari joyida hal etilgan bo‘lsa, qolgan murojaatlarga oid hujjatlar to‘planib, o‘rganib chiqilmoqda. O‘rganish natijalariga bo‘yicha tegishli ta’sir hujjatlari tayyorlanadi.

Ushbu o‘rganish tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Gulchexra Azizova ham ishtirok etdi.