Xalıqtı sapalı hám qánigeli medicinalıq xızmet penen támiyinlew mámleketlik siyasattıń tiykarǵı baǵdarlarınan biri esaplanadı. Usı maqsette Xalıq deputatları Taxtakópir rayonlıq Keńesi deputatı Q.Jaliev tárepinen rayonlıq Medicinalıq birlespesi baslıǵınıń atına deputatlıq soraw jolladı.
Deputat sorawında rayonlıq medicina mákemelerinde bar bos jumıs orınları, ásirese joqarı maǵlıwmatlı shıpakerler jetispewshiligi hámde usı mashqalanı saplastırıw boyınsha ámelge asırılıp atırǵan jumıslar haqqında maǵlıwmat soraldı.
Sonday-aq, vakant lawazımlardı maman kadrlar menen toltırıw, kadrlar tartıw boyınsha anıq ilajlar hám rejeler boyınsha tiykarlanǵan málimleme beriliwi kórsetildi.
Deputatlıq qadaǵalawdıń tiykarǵı maqseti - xalıqqa kórsetilip atırǵan medicinalıq xızmet sapasın arttırıw, tarawdaǵı mashqalalardı óz waqtında anıqlaw hám olardı saplastırıwǵa kómeklesiwden ibarat.