Ўрганишлар давомида кўп қаватли уй-жойларнинг умумий фойдаланишдаги ички йўлаклари (подъездлари), ертўлалари, муҳандислик-коммуникация тармоқларининг ҳолати, ҳудудларда санитария ва ободонлаштириш ишларининг ташкил этилганлиги, чиқиндиларни ўз вақтида олиб чиқиш, яшил ҳудудларни сақлаш ҳамда ташқи ва ички ёритиш тизимларининг ишлаш ҳолати атрофлича кўздан кечирилди.

Шунингдек, бошқарув компаниялари томонидан аҳоли мурожаатларини кўриб чиқиш амалиёти, кўрсатилаётган коммунал хизматлар сифати, уй-жой фондини сақлаш ва ундан самарали фойдаланиш бўйича амалга оширилаётган ишлар ҳам таҳлил қилинди. Суҳбатлар жараёнида фуқароларнинг таклиф ва мулоҳазалари ўрганилиб, уларни қийнаётган айрим масалалар юзасидан фикр алмашилди.

Мониторинг натижаларига кўра, аниқланган камчиликларни бартараф этиш, кўп қаватли уйлар атрофидаги санитария ҳолатини янада яхшилаш, ёритиш тизимларини тўлиқ ишчи ҳолатга келтириш ҳамда аҳоли учун қулай ва хавфсиз муҳит яратиш бўйича масъулларга тегишли тавсия ва кўрсатмалар берилди. Мазкур йўналишдаги ишлар устидан жамоатчилик назоратини кучайтириш ва экологик маданиятни юксалтиришга қаратилган тадбирларни изчил давом эттириш белгиланди.