Ўрганиш жараёнида ҳоким ёрдамчиси томонидан аҳоли бандлигини таъминлаш, камбағалликни қисқартириш, тадбиркорликни ривожлантириш ва ўзини ўзи банд қилишга кўмаклашиш борасида амалга оширилаётган ишлар таҳлил қилинди. Шунингдек, маҳалладаги ишсиз фуқароларни доимий даромад манбаига эга қилиш, имтиёзли кредит ва субсидиялар ажратиш, тадбиркорлик ташаббусларини қўллаб-қувватлаш ҳамда аҳолининг иқтисодий фаоллигини ошириш юзасидан олиб борилаётган ишлар ҳолати ўрганилди.

Таҳлиллар давомида “Камбағалликдан фаровонлик сари” тамойили асосида амалга оширилаётган чора-тадбирлар, фуқаролар мурожаатлари билан ишлаш ҳолати, бандлик дастурлари ижроси ҳамда белгиланган вазифаларнинг бажарилиш даражаси муҳокама қилинди.

Ўрганиш натижаларига кўра, иш самарадорлигини янада ошириш, аҳолини тадбиркорликка кенг жалб қилиш, янги иш ўринлари яратиш ва Сенат қарорида белгиланган вазифалар ижросини сифатли таъминлаш юзасидан тегишли таклиф ва тавсиялар берилди.