Xalq deputatlari Qo‘qon shahar Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

Yig‘ilish kun tartibidan o‘rin olgan asosiy masala — “Yoshlar daftari” jamg‘armasi mablag‘lari hisobidan Yoshlar oyligi tadbirlarini tashkil etish uchun mablag‘ ajratishga rozilik berish to‘g‘risidagi masala bo‘ldi.

Muhokamalar davomida ajratilishi rejalashtirilayotgan mablag‘larning maqsadli sarflanishi, tadbirlarning mazmun-mohiyati hamda yoshlarning bo‘sh vaqtini mazmunli tashkil etish, ularning ijtimoiy faolligini oshirish va iste’dodlarini qo‘llab-quvvatlashga qaratilgan yo‘nalishlar atroflicha ko‘rib chiqildi.

Komissiya a’zolari tomonidan mazkur mablag‘larning samarali va shaffof foydalanilishini ta’minlash, tadbirlarni yuqori saviyada tashkil etish hamda yoshlarni keng qamrab olish yuzasidan tegishli taklif va tavsiyalar bildirildi.

Yig‘ilish yakunida kun tartibidagi masala yuzasidan tegishli qaror qabul qilinib, belgilangan vazifalarni amalga oshirish bo‘yicha mas’ullarga zarur topshiriqlar berildi.

Yoshlarni qo‘llab-quvvatlash, ularning tashabbuslarini rag‘batlantirish va jamiyatdagi faolligini oshirish borasidagi ishlar izchil davom ettiriladi.

Xalq deputatlari Qo‘qon shahar Kengashi