Xalq deputatlari Furqat tumani Kengashi deputati N.Olimov tomonidan “Qo‘qonboy” mahalla fuqarolar yig‘inida aholini sifatli va barqaror elektr energiyasi bilan ta’minlash masalalari yuzasidan o‘rganish ishlari olib borildi.

Mahalla hududida elektr ta’minotini yaxshilash, mavjud muammolarni bartaraf etish hamda aholiga qulay sharoit yaratish maqsadida tegishli mutasaddilar bilan hamkorlikda zarur chora-tadbirlar amalga oshirilmoqda.

Shuningdek, olib borilayotgan ishlar yuzasidan fuqarolar bilan uchrashuv o‘tkazilib, elektr tarmoqlarini yaxshilash bo‘yicha rejalashtirilgan tadbirlar muhokama qilindi hamda aholi fikr-mulohazalari va roziligi olindi.

Deputat tomonidan fuqarolarni qiynab kelayotgan masalalarni hal etish, mahallalarda infratuzilmani rivojlantirish va aholining turmush sharoitlarini yaxshilash borasidagi ishlar izchil davom ettirilmoqda.