🏛 Deputat so‘rovi chiqarildi

Xalq deputatlari Qo‘shko‘pir tuman Kengashi deputati M. Tillayeva tomonidan O‘rtayop mahallasi hududida joylashgan 41-son umumta’lim maktabining holati o‘rganildi.
O‘rganishlar davomida mazkur maktab binosi 1989-yilda hashar yo‘li bilan loydan qurilgani, bugungi kunda zamonaviy ta’lim talablari va qurilish me’yorlariga to‘liq javob bermasligi, shuningdek, o‘quvchilar sonining ortib borayotgani sababli sinf xonalariga ehtiyoj mavjudligi aniqlandi.
Ushbu muammolarni bartaraf etish maqsadida deputat tomonidan 41-son maktab binosini kapital ta’mirlash hamda qo‘shimcha o‘quv binosi qurish masalasida tegishli tashkilotlarga deputat so‘rovi yuborildi.
Mazkur masalaning ijobiy hal etilishi ta’lim sifatini oshirish, o‘quvchilar uchun munosib shart-sharoitlar yaratish va hududda ta’lim infratuzilmasini yanada rivojlantirishga xizmat qiladi.