Korrupsiyaga qarshi kurashish bo‘yicha tuman komissiyasi tomonidan o‘rganish o‘tkazildi

✅Korrupsiyaga qarshi kurashish bo‘yicha Bandixon tumani komissiyasining 2026 yilgi ish rejasiga muvofiq, Korrupsiyaga qarshi kurashish komissiyasi raisi o‘rinbosari
B.Yo'ldoshev, Korrupsiyaga qarshi kurashish komissiyasi a'zolari X.Abdimo'minov, O.Jumayev tomonidan Davlat kadastrlari palatasi Bandixon tumani filialida korrupsiyaga qarshi kurashish sohasida amalga oshirilayotgan ishlar holati yuzasidan o‘rganish ishlari olib borildi.

✅O‘rganish jarayonida tayyorlangan savolnoma asosida tashkilotda korrupsiyaga qarshi kurashish tizimi, ochiqlik va shaffoflikni ta’minlash, aholi murojaatlari bilan ishlash, xodimlarning huquqiy madaniyatini oshirish, shuningdek raqamlashtirish va ichki nazorat mexanizmlarining samaradorligi tahlil qilindi.
Xususan, filialda korrupsiyaviy xavf-xatarlarni aniqlash va ularning oldini olishga qaratilgan chora-tadbirlar, xodimlar faoliyati ustidan ichki nazorat tizimi, aholi uchun murojaat qilish imkoniyatlari hamda davlat xizmatlarining elektron shaklda ko‘rsatilishi holati o‘rganildi.

✅Shu bilan birga, xodimlar o‘rtasida korrupsiyaga qarshi kurashish bo‘yicha targ‘ibot va profilaktik tadbirlarning tashkil etilishi, xizmat odobi va etika qoidalariga rioya qilinishi, huquqiy savodxonlikni oshirishga qaratilgan o‘quv-seminarlar o‘tkazilishiga alohida e’tibor qaratildi.

✅O‘rganish davomida deputatlar tomonidan Davlat kadastrlari palatasi Bandixon tumani filialida xodimlariga aholiga kadastr xizmatlarini ko‘rsatilishida korrupsiyaviy omillarni bartaraf etishga qaratilgan taklif va tavsiyalar berildi.

✅Mazkur yo‘nalishdagi ishlar kelgusida ham izchil davom ettirib boriladi.