#Kengash_sessiyalariga_oid

Tumanda maktabgacha va maktab ta’limi tizimini rivojlantirish, o‘quvchi va o‘qituvchilarga yaratilgan sharoitlar, shuningdek, o‘qituvchilarning pedagogik mahoratini va o‘quvchilarning darslarga qatnashish darajasini oshirish yo‘nalishida olib borilayotgan ishlar yuzasidan tuman maktabgacha va maktab ta’limi bo‘limi mudiri O‘.Xo‘jamqulovning hisoboti muhokama qilindi.

Joriy o‘quv yilida o‘qituvchilarning malaka toifalari sezilarli darajada oshirilgan.
Xususan, oliy toifali o‘qituvchilar ulushi 7,2 foizdan 9,1 foizga, birinchi toifalilar 15,3 foizdan 18 foizga, ikkinchi toifalilar 21,2 foizdan 23,5 foizga yetkazilgan. Umumiy sifat tarkibi esa 28,2 foizdan 32,3 foizga ko‘tarilgan.

Tumandagi umumta’lim maktablarida faoliyat yuritayotgan 464 nafar xorijiy til fani o‘qituvchilarining 331 nafari (71 foizi) milliy yoki xalqaro sertifikatlarga ega bo‘lgan.

Ta’lim sifatini oshirish maqsadida “Kasbiy rivojlanish kuni” doirasida aniq va tabiiy fanlar yo‘nalishida 4 ta tayanch maktab belgilangan hamda 8 nafar mentor-trener, 203 nafar yetakchi va 836 nafar fan o‘qituvchilari jalb etilgan.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|