Haftalik rejaga muvofiq Kengash raisi Farhod mahallasida o‘rganish o‘tkazdi

🇺🇿 Xalq deputatlari Uchtepa tumani Kengashi raisi, “9-Jurjoniy” saylov okrugidan saylangan deputat Ismanov Ja’far Xodjimuratovich tomonidan haftalik rejaga muvofiq “Farhod” MFYda o‘rganish o‘tkazildi.

📇 O‘rganish davomida Kengash raisi Jafar Ismanov mahalla raisi Nilufar Mirzayeva hamrohligida davlat-xususiy sheriklik asosida bunyod etilgan zamonaviy mahalla binosida yaratilgan shart-sharoitlar bilan yaqindan tanishdi. Shuningdek, mahalla hududida o‘rnatilgan 300 dan ziyod kuzatuv kameralarining holati va samaradorligi ham o‘rganildi.

🗂 Mazkur ishlar O‘zbekiston Respublikasi Prezidentining 2020-yil 18-fevraldagi PF–5938-son Farmoni hamda PQ–4602-son qarorida belgilangan vazifalar ijrosi doirasida mahalla institutini qo‘llab-quvvatlash va infratuzilmani rivojlantirish borasida amalga oshirilayotgan ishlarning amaliy natijasi ekani qayd etildi.

💬 O‘rganish jarayonida fuqarolarni qabul qilish, murojaatlar bilan ishlash, yoshlar, xotin-qizlar va ijtimoiy himoyaga muhtoj aholi qatlamlari bilan manzilli ishlash uchun yaratilgan imkoniyatlar ko‘zdan kechirildi. Kengash raisi mavjud imkoniyatlardan samarali foydalanish, aholi bilan ishlash sifatini yanada oshirish hamda mahalla tizimi faoliyatini takomillashtirish yuzasidan o‘zining taklif va tavsiyalarini bildirdi.

↗️ O‘rganish yakunida mahalla infratuzilmasini yanada rivojlantirish, aholi uchun yaratilayotgan qulayliklarni kengaytirish hamda hududdagi ijtimoiy-iqtisodiy jarayonlarni jadallashtirish bo‘yicha tegishli tavsiyalar berildi.