2026-yil 4-iyunda Chinoz tumani Xalq deputatlari Kengashining 30-ssesiya bo'lib o'tdi. Sessiyada tuman hokimi, deputatlar, tuman hokimining o‘rinbosarlari, Kengash kotibiyati vakillari hamda boshqa tashkilotlardan 600+kishi ishtirok etdi. Sessiyada deputatlar axborotlarga e'tibor qaratib, savol va takliflar bildirdilar. Sessiyaning qarorlarining toliq matni Kengash.gov.uz saytida e’lon qilinadi.
Cocoon AI Summary
Joriy yilning 4-iyun kuni Yettinchi chaqiriq Xalq deputatlari Chinoz tumani Kengashining navbatdagi o'ttizinchi sessiyasi bo'lib o'tdi.
Sessiya ishida tuman hokimi Sherzod Salixov, tuman Kengashiga saylangan deputatlar, tuman hokimining tegishli o‘rinbosarlari, Xalq deputatlari tuman Kengashi kotibiyati xodimlari shuningdek, tumandagi tegishli bo‘lim va tashkilot rahbarlari hamda ommaviy axborot vositalari vakillari ishtirok etdilar.
Sessiyaga Xalq deputatlari tuman Kengashi raisi Abduvoxid Turdiboyev raislik qildi.
Sessiya kotibligiga 5-Paxtaobod saylov okrugidan saylangan deputat Surayyo Axmedova saylandi.
Sessiya ishida kun tartibiga kiritilgan masalalar bo‘yicha tuman hokimining birinchi o‘rinbosari M.Miryakubov, tuman Yoshlar ishlari bo'limi boshlig'i L.O'tkirov hamda tegishli mas’ullarning axborot va hisobotlari eshitildi.
Mazkur masalalar bo‘yicha doimiy komissiya raislarining xulosalari o‘qib eshittirildi.
Sessiya kun tartibidagi masalalar muhokamasida deputatlar Muqim Erxo‘jayev, Farxod Ibragimov, Surayyo Axmedova, Asqar Baxramov, Davron Teshaboyev, Olimjon Dadajonov, Hikmatilla Hafizovlar so‘zga chiqib, hisobot va axboroti eshitilgan rahbarlarga o‘zlarining savol, taklif va fikr-mulohazalarini bildirib o‘tdilar.
Sessiya yakunida sessiya kotibining axboroti eshitildi.
Sessiya kun tartibidagi masalalar yuzasidan tegishli qarorlar qabul qilindi. Kengash qarorlarining toʻliq matni internetda (Kengash.gov.uz platformasida) eʼlon qilinadi

Dilnoza Ulug'bekova,
Kengash kotibiyati bosh mutaxassisi