#deputatlar_nazorati #poytaxtdeputatlari #deputatlik_faoliyati

❗️Maktabgacha ta’lim muassasasidagi sharoitlar deputat ishtirokida muhokama qilindi

🏛 Xalq deputatlari Toshkent shahar Kengashi deputati Nigora Eshmetova Yunusobod tumanidagi “Nurli kelajak” nomli 43-sonli davlat maktabgacha ta’lim tashkilotiga tashrif buyurib, muassasa faoliyati bilan yaqindan tanishdi.

🤝 Tashrif davomida “Firdavsiy” mahalla fuqarolar yig‘ini raisi Shukur Xakimov hamda mahalla xotin-qizlar faoli Nilufar Sultanova ishtirokida ta’lim-tarbiya jarayonlari, tarbiyalanuvchilar uchun yaratilgan shart-sharoitlar, mavjud muammolar va istiqboldagi vazifalar yuzasidan ochiq muloqot o‘tkazildi.

🏫 Uchrashuv davomida bolalarning sifatli ta’lim va tarbiya olishi uchun yaratilgan imkoniyatlar, o‘quv va o‘yin maydonchalari holati, sanitariya-gigiyena talablari, oziqlantirish tizimi hamda pedagog xodimlarning faoliyati muhokama qilindi. Shuningdek, maktabgacha ta’lim tizimida mavjud muammolarni bartaraf etish va muassasa faoliyatini yanada takomillashtirish bo‘yicha takliflar bildirildi.

👨‍👩‍👧‍👦 Mahalliy Kengash deputati faoliyatining ustuvor yo‘nalishlaridan biri bo‘lgan bolalar uchun munosib sharoitlar yaratish, ta’lim sifati va ijtimoiy infratuzilmani yaxshilash masalalariga alohida e’tibor qaratildi. Muassasa rahbariyati va pedagoglar bilan bo‘lib o‘tgan suhbatda ta’lim-tarbiya jarayonining samaradorligini oshirish, bolalarning har tomonlama kamol topishi uchun qo‘shimcha imkoniyatlar yaratish yuzasidan fikr almashildi.

💬 Nigora Eshmetova maktabgacha ta’lim tizimi kelajak avlodni tarbiyalashdagi eng muhim bo‘g‘inlardan biri ekanini ta’kidlab, bu yo‘nalishda olib borilayotgan ishlarni doimiy deputatlik nazoratida ushlab borish muhimligini qayd etdi.

🔎 Tashrif yakunida muassasa faoliyatini yanada rivojlantirish, mavjud kamchiliklarni bartaraf etish hamda bolalar uchun yanada qulay va xavfsiz muhit yaratishga qaratilgan taklif va tavsiyalar ishlab chiqildi.

📱 Telegram 📱 Instagram 📱 Facebook 📱 YouTube 🔎 E-kengash