O‘rganish davomida deputat 11-sonli davlat maktabgacha ta’lim tashkilotida bo‘lib, tarbiyalanuvchilar uchun yaratilgan shart-sharoitlar, yozgi sog‘lomlashtirish va tarbiyaviy mashg‘ulotlarning tashkil etilishi hamda bolalarning bo‘sh vaqtini mazmunli o‘tkazish bo‘yicha amalga oshirilayotgan ishlar bilan tanishdi.

Shuningdek, muassasadagi ta’lim-tarbiya jarayoni, bolalarning xavfsizligi, ovqatlanish sifati hamda hududning sanitariya va obodonlashtirish holatiga e’tibor qaratildi. O‘rganish yakunida mavjud sharoitlarni yanada yaxshilash va “Dolzarb 90 kun” tadbirlari doirasida bolalarning bo‘sh vaqtini samarali tashkil etish yuzasidan fikr-mulohazalar bildirildi.